鐵定重陽節去新加坡登高

之前山仔話重陽節o個幾日假期會自己一個人搵個地方去旅行喎!  

 

而水晶其實都想join佢o既, 不過, 水晶要九月中先知自己十月頭有無時間.

 

水晶上個星期日終於都確定o左自己十月頭可以去喇…即刻同山仔講…兩個傻婆夜"媽媽"上網搵資料…

 

初初諗著整個package連稅+呢呢路路Budget大概四千蚊到…搵o左一個package去檳城, 住Shangri-La Golden Sands…點知星期二國泰覆返話無機位喎!

 

隨即報o左個三亞自悠行…同一命運…都係無機位!

 

水晶同山仔講…不如直接落旅行社問啦.

 

最終, 鎖定兩個選擇…一係跟團去西安 (不過水晶無咩興趣), 另一個係自悠行去新加坡 (都唔平呀! 二星酒店都要成三千四)

 

水晶睇過其他住客關於間二星酒店D評語, 十居其九都係極負面…間酒店又位於正正紅燈區, 水晶諗下諗下都唔係喇…既然難得一齊同山仔旅行, 唔好為o左慳o個少少錢而破壞成個旅程啦

 

最後, 水晶pick左  The Gallery 精品酒店…埋單要成HK$4515一個人

 

老實講, 貴就真係貴o左D…不過, 無所謂啦! 要同山仔去旅行都預o左係貴o架喇 (因為佢唔係成日可以請假, 又要就星期六下晝出發, 選擇無幾)

 

已經同身處新加坡o既舊SK同事衛斯里單聲我會十月頭過去o架喇…

 

衛斯里超好人…原本佢要10/4-5返香港參加艾佛個Bachelor Party 架, 竟然因為水晶過去, 佢叫艾佛"吞遲"一個禮物先攪喎 

 

攪到水晶好鬼感動呀!!!

 

p.s. 原本唔去旅行就諗住同肥積睇"米斯亞"10月4號場演唱會 (仲要係水晶撩話要一齊睇添)…點知個旅行攪得掂, 結果都係無緣同肥積睇….仲要麻煩到肥積添…真係過意唔去…