北海道五天輕鬆遊 – 滑雪篇

原本旅行社個行程安排得好好既…一落機入札幌市去睇雪祭; 第二日先至一早北上去二世古滑雪場…點知o個個慢半拍既柒頭導遊話第一晚落機好夜喇, 不如改一改行程, 上左去滑雪場先…

 

唉~捱三鐘車程…入去到成七點幾八點, 趕頭趕命食晚餐, 跟著又趕頭趕命話要去睇冰屋…去到人家都差不多要收工…水晶都知不妙, 見無咩時間都唔等佢地慢慢磨,  入去快速行一圈先…結果剛剛行完人家就宣佈是晚營業時間已到

 

原來我地住o個間酒店係有溫泉樂園既…不過我地去到實在太夜喇, 睇完冰屋人家o岩o岩好收工

 

導遊話因為第二日要o係中午時份趕返落返札幌市去睇最後一日既雪祭, 所以要兩點鐘出車….亦因為咁, 個柒頭導遊話祇可以帶我地去一個地方玩…一係滑雪場, 一係溫泉樂園 商量之後決定去滑雪場.

 

唉~得個幾粒鐘…著得衫, 上得山黎又話要走, 晒鬼氣…所以水晶決定唔滑雪喇 (最後得表弟, 表妹等五勇士出發)…不過我地其他人都坐吊車上山, 影下相咁; 之後同堂妹與及佢表弟等人玩雪橇…都幾好玩架

 

因為今日係自由活動, 所以午餐係自費既…我無跟豪氣大隊(跟著富泰姑丈既話九成唔駛畀錢)去食西餐…因為我想食拉麵 

 

碗麵既湯底同麵質都ok, 不過o個塊柴皮叉燒就真係啃唔落喇

 

食完麵捱三粒鐘落返札幌市睇雪祭…唔知係未最後一日, D雪有D黑猛猛, 烏捽捽, 都唔靚, 有D失望!…個柒頭導遊又話因為要趕返上登別溫泉酒店食飯, 得o個半粒幾鐘行個雪祭…真係要醒一個字畀個柒頭導遊…妖! 

 

つづき…待續…